İran Ərbil hava limanını vurduğunu açıqlayıb

İran İraqın Ərbil şəhərində yerləşən hava limanında ABŞ qüvvələri və kürd silahlı dəstələrinin mövqelərinə raket zərbəsi endirdiyini bəyan edib.

BAKU.WS-in məlumatına görə, bu barədə İran KİV-i ölkənin silahlı qüvvələrinin açıqlamasına istinadən xəbər yayıb.

Bildirilib ki, hücum "yer-yer" tipli raketlərlə həyata keçirilib və zərbələr davam edən hərbi əməliyyatlar çərçivəsində endirilib.

Açıqlamada qeyd olunub ki, hədəf ABŞ qüvvələrinin əsas təminat və idarəetmə mərkəzlərindən biri hesab edilən ərazi olub. İran tərəfi həmin zonada hərbi texnikanın yerləşdiyini iddia edir.