"İlahə" olmaq istəyən çinli qadın 6,7 milyard dollarlıq Bitkoin OĞURLADI

Londonda məhkəmə Çin vətəndaşı Çjimın Çyanı 6,7 milyard dollarlıq Bitkoin oğurluğunda və Böyük Britaniyada bu vəsaitləri daşınmaz əmlak vasitəsilə leqallaşdırmağa cəhd etməkdə təqsirli bilib.

BAKU.WS-in məlumatına görə, bu barədə Skotland Yard-ın mətbuat xidməti məlumat yayıb.

Məlumata görə, qadından 61 mindən çox Bitcoin müsadirə olunub ki, bu da tarixdə ən böyük kriptovalyuta müsadirəsi hesab olunur.

İstintaqa görə, 2014–2017-ci illərdə Çyan 128 min Çin vətəndaşının – o cümlədən iş adamları, pensiyaçılar, bank və məhkəmə əməkdaşlarının – vəsaitini aldadaraq ələ keçirib. O, oğurlanmış pulları Bitcoin-ə çevirib və saxta sənədlərlə Böyük Britaniyaya köçüb. Krallıq ərazisində isə qadın pullarını leqallaşdırmaq məqsədilə bahalı daşınmaz əmlak almağı planlaşdırıb.

Polis Çyanın gündəliyini tapıb. Gündəlikdə qadın yazıb ki, "yenidən doğulmuş ilahə" olmaq, Dalay-Lama tərəfindən məlhəm edilmək və "Liberlend" adlı bir krallıq yaratmaq istəyir, həmin krallığa isə özü kraliça kimi hökm edəcək.

Hazırda Çyan həbsdədir, günahını etiraf edib və hökmün çıxarılmasını gözləyir.