Honq-Konqda yaşayış kompleksində yanğın: bir ölü, səkkiz yaralı

Honq-Konqda yerləşən yaşayış komplekslərindən birində baş verən yanğın zamanı bir nəfər həyatını itirib, səkkiz sakin xəsarət alıb, 250-yə yaxın insan isə təhlükəsiz ərazilərə təxliyə edilib.

BAKU.WS xəbər verir ki, məlumatı "South China Morning Post" yayıb. Təxliyə edilən sakinlər hazırda yaxınlıqda yerləşən məktəbdə qalırlar. Hadisənin başvermə səbəbləri səlahiyyətli orqanlar tərəfindən araşdırılır.

Xatırladaq ki, ötən ilin noyabrın 26-da Tay Po rayonunda yerləşən 8 binadan ibarət və 2 mindən çox mənzili əhatə edən yaşayış kompleksində də yanğın baş vermişdi.