"Hindistanlı Nostradamus" 2025-ci il üçün proqnozlar verdi

Hindistanlı öncəgörücü Punit Nahata 2025-ci il üçün proqnoz verib.

BAKU.WS xarici mətbuata istinadən xəbər verir ki, o, qarşıdan gələn 2025-ci ildə bütün dünyanı nələrin gözlədiyini söyləyib.

Nahatanın fikrincə, gələn il ötən illə müqayisədə daha yaxşı olacaq, lakin müsbət dəyişikliklər yalnız mart ayından sonra başlayacaq və ondan əvvəl bütün dünyada ciddi münaqişələr baş verəcək.

"Bizi yeni dünya nizamı gözləyir, biz texnologiyanın üstünlüyünü görəcəyik. 2040-cı illərə yaxınlaşdıqca tarix dəyişəcək, bir çox ölkələr bir millət kimi yaşamağa başlayacaq. Biz demokratiyadan meritokratiyaya keçəcəyik. Bu, tez baş verməyəcək, indi təməl qoyulur".

Öncəgörücü əlavə edib ki, 2025-ci ilin aprelindən sonra Avropada sabit sülh yaranacaq və böhrandan çıxa bilsə, may ayında ağır münaqişələr bitəcək. Rusiya haqqında danışan Nahata, onun əvvəlki kimi mövcud olmağa davam edəcəyini və qarşıdakı 60 ilin onun üçün "ən yaxşı" olacağını söyləyib.

"Bu, kənd təsərrüfatı, xarici əlaqələr, ticarət, iqtisadiyyata aiddir. Dövr 2024-cü ildə başladı, 2025-ci ildə hər şey daha da irəli gedəcək və 2026-cı ildə ölkə iqtisadiyyatda öz yolunu tapacaq, əhalinin rifahı yüksələcək, dünyada imici yüksələcək, gələcək üçün planlar formalaşacaq. Hər şey müsbət nəticə verəcək. İnsanların təhsil səviyyəsi yüksələcək, bank sistemi yüksələcək və ən əsası sülh gələcək".