Hindistanda zəlzələ baş verib

Hindistanın şimal-şərqində 5,3 maqnitudalı zəlzələ qeydə alınıb.

BAKU.WS xəbər verir ki, bu barədə Avropa-Aralıq dənizi Seysmoloji Mərkəzi (EMSC) məlumat yayıb.

Zəlzələnin episentri təxminən 899 min nəfərin yaşadığı Quvahati şəhərindən 54 km şimal-şərqdə yerləşib. Yeraltı təkanların ocağı 10 km dərinlikdə olub. Hazırda dağıntılar və yaralananlarla bağlı məlumat yoxdur.

Bundan əlavə, 27 fevral gecə saatlarında Kamçatka sahillərində iki zəlzələ qeydə alınıb. Birinci yeraltı təkanın maqnitudası 6,1, dərinliyi isə 54 km olub. İkinci zəlzələnin maqnitudası 5,2, dərinliyi isə 64 km təşkil edib.

Zəlzələlər 4-5 bal gücündə hiss edilib. Krutobereqovo kəndində və Ust-Kamçatsk qəsəbəsində isə yeraltı təkanlar 3-4 bal gücündə qeydə alınıb. Hər iki halda sunami təhlükəsi elan olunmayıb.