Hindistanda bina uçdu: 11 ölü, 11 yaralı

Hindistanın Delhi əyalətində yerləşən 4 mərtəbəli binanın uçması nəticəsində azı 11 nəfər həyatını itirib, 11 nəfər isə xəsarətlə xəstəxanaya yerləşdirilib.

BAKU.WS xəbər verir ki, yerli rəsmilərin verdiyi məlumata görə, uçan bina inşaat standartlarına uyğun tikilməyib və icazəsiz ərazidə yerləşib. Hadisə ilə əlaqədar ətrafdakı digər tikililərin də təhlükəsizlik baxımından yoxlanılacağı bildirilib.

Hindistanın Baş naziri Narendra Modi sosial şəbəkədə paylaşım edərək həlak olanların yaxınlarına başsağlığı verib. O, vəfat edənlərin ailə üzvlərinə 200 min Hindistan rupisi (təxminən 2 300 ABŞ dolları) məbləğində kompensasiya veriləcəyini açıqlayıb.