Gürcüstanda baş verən zəlzələ Ermənistanda da 3-4 bal gücündə hiss edilib

Ermənistanın Seysmik Müdafiə Xidməti 28 dekabr tarixində Gürcüstanda, Dmanisi şəhərindən 8 km şimal-qərbdə zəlzələ qeydə alıb.

Zəlzələnin coğrafi koordinatları 41.40⁰ şimal enliyi və 44.18⁰ şərq uzunluğu olaraq müəyyən edilib.

Ocağın dərinliyi 10 km olub. Zəlzələnin maqnitudası 4,2, episentrdə isə yeraltı təkanların gücü 5-6 bala çatıb.

Zəlzələ həmçinin Ermənistanda Şirak və Lori bölgələrində hiss olunub. Yeraltı təkanlar 3-4 bal gücündə müşahidə edilib.

Bu hadisə bölgədə yaşayan insanlar arasında narahatlıq doğurub, lakin indiyə qədər zəlzələ nəticəsində dağıntı və ya xəsarət barədə məlumat yoxdur.