Google menecerlərin 35%-ni işdən çıxardı

Google son bir il ərzində kiçik komandaları idarə edən menecerlərin 35%-ni vəzifədən azad edib.

BAKU.WS xəbər verir ki, şirkətin İnsan Analitikası və Performans üzrə vitse-prezidenti Brian Welle bildirib ki, hazırda menecerlərin sayı ötən illə müqayisədə 35% azdır.

İşdən çıxarılma əsasən üçdən az əməkdaşı idarə edən rəhbərlərə şamil olunub. Onların bir hissəsi fərdi mütəxəssis kimi şirkətdə saxlanılıb.

CEO Sundar Pichai bildirib ki, Google daha səmərəli işləmək üçün yeni işçilər cəlb etmək əvəzinə optimallaşdırma aparır. Şirkət həmçinin ixtisarlarla yanaşı könüllü ayrılma proqramı tətbiq edir.

Bu addımlar Google-da işçi təhlükəsizliyi və şirkət mədəniyyəti ilə bağlı müzakirələrə səbəb olsa da, rəhbərlik məhsuldarlığı artırmaqda israrlı görünür.