G7-nin Yaxın Şərq böhranına cavabı: Yalnız bəyanat və gözləmə

"Böyük Yeddilik" (G7) dövlətləri Yaxın Şərqdə baş verən böhranlı vəziyyəti sadəcə müşahidə etmək və gözləmək məcburiyyətində qalıblar.

BAKU.WS Oxu.Az-a istinadən xəbər verir ki, bu barədə "Politico" məlumat yayıb..

Xəbərə əsasən, martın 30-da ABŞ, Böyük Britaniya, Kanada, Fransa, Almaniya, İtaliya və Yaponiyanın mərkəzi bank rəhbərləri, eləcə də maliyyə və enerji nazirləri bir araya gələrək ortaq addımları koordinasiya etmək məqsədilə analoqu olmayan birgə toplantı təşkil ediblər.

Media orqanlarının məlumatına görə, bu müzakirələrin yekununda iştirakçı ölkələr digər dövlətlərə müraciət edərək enerji resurslarının ixracına məhdudiyyət qoyulmamasını tələb edən bəyannamə qəbul ediblər. Ehtimal edilir ki, sözügedən çağırış, əsasən, Çin və Rusiyaya qarşı yönəldilib.

Toplantıda iştirak edən şəxslərə istinadən bildirilir ki, ABŞ və İsrailin İran ərazisində həyata keçirə biləcəyi əməliyyat zamanı ətrafındakı qeyri-müəyyənlik nazirləri ciddi şəkildə narahat edir.

Avropa İttifaqı rəsmiləri mövcud vəziyyətdə təsirsiz qalıblar, çünki əvvəlki dövrlərdə yaşanan böhranlı hallar onları maliyyə xərclərini onsuz da minimuma endirməyə vadar edib.