Fransada məscidə hücum edilib

Fransanın şimalında bir məscidə hücum edilib.

BAKU.WS HABER GLOBAL-a istinadən xəbər verir ki, ölkənin şimalında yerləşən Amiens şəhərindəki Victorine Autier küçəsində yerləşən Assounna məscidinin qapısı 29 oktyabrda yandırılıb.

Məscidin idarəçiliyinə cavabdeh olan dərnək irqçi hücumla bağlı şikayət edib.

Dərnək sədrinin müavini Bilel Furtado səhər namazı üçün məscidə gələnlərin tüstü qoxusunu hiss edərək yanğını fərq etdiklərini və qəsdən törədilən bu hücumda yandırıcı maddələrin tapıldığını bildirib.

Hadisə ilə bağlı istintaq başladılıb.