Filippində güclü zəlzələ baş verib

Filippində güclü zəlzələ qeydə alınıb.

BAKU.WS xəbər verir ki, bu barədə Avropa-Aralıq dənizi Seysmoloji Mərkəzi məlumat yayıb.

Yeraltı təkanlar 23 yanvar, Bakı vaxtı ilə 04:39-da (UTC+4) baş verib. Zəlzələnin maqnitudası 5,7 olub. Episentr təxminən 3,5 min sakini olan Liloan qəsəbəsindən 7 kilometr cənub-şərqdə və 191 min nəfər əhalisi olan Ormok şəhərindən 117 kilometr cənub-şərqdə yerləşib. Zəlzələnin ocağı 9 kilometr dərinlikdə olub.

Hadisə nəticəsində dağıntılar və ya xəsarət alanlar barədə məlumat verilməyib.