Ermənistan hökuməti avqustun 2-də istefaya gedəcək

Ermənistanda yeni hökumətin formalaşdırılması ilə əlaqədar Nazirlər Kabineti avqustun 2-də istefa verəcək.

BAKU.WS xəbər verir ki, bu barədə Ermənistanın Baş naziri Nikol Paşinyan hökumətin bugünkü iclasında məlumat verib.

Onun sözlərinə görə, qərar iyunun 7-də keçirilmiş parlament seçkilərinin yekunları əsasında yeni hökumətin formalaşdırılması prosesi ilə bağlıdır.