Əraqçi: İranın Fars körfəzindəki ərəb dövlətlərinə qarşı heç bir düşmənçiliyi yoxdur

İranın Fars körfəzindəki ərəb dövlətlərinə qarşı heç bir düşmənçiliyi yoxdur.

BAKU.WS "Tasnim" xəbər agentliyinə istinadən xəbər verir ki, bu sözləri İranın xarici işlər naziri Abbas Əraqçi çinli həmkarı Vanq Yi ilə telefon danışığı zamanı bildirib.

Danışıqlar zamanı hər iki tərəf ABŞ-İsrailin İrana hərbi hücumundan sonra regional inkişafları müzakirə edib.

Vanq Yi, İslam İnqilabının Lideri Əli Xameneinin ölümü ilə əlaqədar Çin hökuməti və xalqı adından İrana başsağlığı verib.

Buna cavab olaraq, Əraqçi başsağlığı mesajına görə minnətdarlığını bildirib.

İranın xarici işlər naziri münaqişəyə toxunaraq bildirib ki, bu hücumlar beynəlxalq humanitar qanunların və prinsiplərin bütün norma və prinsiplərini pozub.

"İranın Fars körfəzi regionu ölkələri ilə heç bir düşmənçiliyi yoxdur və onlarla mehriban qonşuluq əsasında münasibətləri davam etdirmək əzmindədir" - deyə Ərqaçi regional münasibətlərə toxunub.

O, əlavə olaraq qeyd etdi ki, İranın bəzi Fars körfəzi ölkələrindəki ABŞ hərbi bazalarına qarşı müdafiə reaksiyası həmin ölkələrə hücum kimi deyil, təcavüzün mənbəyinə və mənşəyinə qarşı qanuni cavabımız kimi şərh olunmalıdır.

Vanq Yi öz növbəsində İranın suverenliyini, müstəqilliyini və ləyaqətini müdafiə etməsini dəstəklədiyini bildirib.