Donald Tramp: İran təslim olmaq üzrədir

ABŞ prezidenti Donald Tramp 11 martda G7 liderlərinin onlayn görüşü zamanı İranla bağlı açıqlamalar verib.

BAKU.WS xəbər verir ki, bu barədə "Haber Global" məlumat yayıb.

Qeyd edilib ki, ABŞ prezidenti Donald Tramp bu həftənin əvvəlində keçirilən onlayn görüşdə G7 həmkarlarına "İran təslim olmaq üzrədir" deyib.

Bu xəbəri Amerika xəbər platforması "Axios" G7 rəsmilərinə istinadən yayıb.

Tramp liderlərə "İran təslim olmaq üzrədir" deyərək, ölkədə təslim olmaq qərarını vermək səlahiyyətinə malik heç bir məmurun qalmadığını iddia edib.

ABŞ prezidenti bildirib ki, hamımızı təhdid edən birindən qurtuldum.

Görüş zamanı G7 liderləri Trampı "müharibəni tez bir zamanda bitirməyə" çağıraraq, Hörmüz boğazından keçidin mümkün qədər tez təmin edilməli olduğunu vurğulayıblar.