Dəvətsiz qonaq çağırılmadığı toylara qatılıb 100 min pul oğurladı

Türkiyənin Adana şəhərində qeyri-adi hadisə baş verib. Belə ki, Sinan E. adlı kişi dəvət olunmadığı iki ayrı toy mərasiminə qatılaraq, əvvəlcə tort yeyib, sonra isə hədiyyə zərflərini oğurlayıb.

BAKU.WS Türkiyə mətbuatına istinadən xəbər verir ki, hadisə anı təhlükəsizlik kameralarına əks olunub.

İlk hadisədə o, toya dəvət olunmuş kimi qatılıb. Qızıl taxma mərasimi zamanı, "Siz zəhmət çəkməyin, mən zərfi ataram" deyərək, içində pul olan zərfi alıb və boş zərfi pul qutusuna atıb. Bu üsulla təxminən 60 min lirə pul oğurlayıb.

Həmin şəxs bir neçə gün sonra da başqa bir toya qatılıb. Burada da eyni üsulla, "Pulları saya bilərəm" bəhanəsi ilə qutudakı pulları cibinə qoyaraq salondan çıxıb.

Şəxs polis əməkdaşları tərəfindən saxlanılıb və həbs edilib.

View this post on Instagram

A post shared by @baku.ws_official