Dəniz üzərindən gələn meteroit səmada YANDI - GÖRÜNTÜLƏR

Ötən gecə Rusiyanın Qara dəniz sahilləri yaxınlığında kiçik ölçülü meteorit atmosferə daxil olaraq parçalanıb.

BAKU.WS xəbər verir ki, bu barədə Rusiya Elmlər Akademiyasının Kosmik Tədqiqatlar İnstitutunun Günəş Astronomiyası Laboratoriyası məlumat yayıb.

Bildirilib ki, ölçüsü bir neçə on santimetr olan kosmik obyekt böyük ehtimalla birbaşa Qara dəniz üzərində dağılaraq atmosferdə yanıb. Hadisə nəticəsində yerə ciddi zərər dəyməsi barədə məlumat verilməyib.

Meteoritin parlaq izi Rusiyanın bir neçə şəhərində də müşahidə olunub. Sakinlər göydə işıqlı iz və qısa müddətli parıltını xüsusilə Novorossiysk, Anapa, Rostov-na-Donu və Krasnodar şəhərlərində gördüklərini bildiriblər.