Dələduzlar Jerar Depardyenin adından kredit götürüblər

Dələduzlar fransız aktyor Jerar Depardyenin adına daha iki mikro kredit rəsmiləşdirib.

Bu barədə "Mash" teleqram kanalı məlumat yayıb.

Məlumata görə, fırıldaqçılar Moskvada 30 min rubl, Sankt-Peterburqda isə 15 min rubl məbləğində kredit götürüblər.

Bundan əvvəl dələduzlar Depardyeyə məxsus Rusiya pasportu ilə mikro kredit götürüblər. Voronejdən olan fırıldaqçılar aktyorun sənəd məlumatlarını 2024-cü ilin fevralında mikromaliyyə təşkilatına təqdim ediblər. KİV-in iddiasına əsasən, fransız aktyor faizləri nəzərə almadan 5 min rubl borclu qalıb.

Lakin həmin gün Jerar Depardyenin nümayəndəsi Arno Frille bu məlumatı təkzib edərək onu "kreativ xəbər" adlandırıb. O, aktyorun Rusiyada dələduzluq qurbanına çevrilmədiyini vurğulayıb.