Dağıstanda müğənni həyat yoldaşı tərəfindən döyülərək öldürülüb

Dağıstanın Kaspiysk şəhərində avar dilində mahnılar ifa edən 47 yaşlı müğənni Talismann Omarova yaşadığı evdə həyat yoldaşı tərəfindən döyülərək qətlə yetirilib.

BAKU.WS xəbər verir ki, bu barədə "Sapa Kavkaz" məlumat yayıb.

Hadisə Kaspiysk şəhərinin Qafqazskaya küçəsində baş verib. Bildirilir ki, Omarova və onun 34 yaşlı qeyri-rəsmi həyat yoldaşı həmin ünvanda kirayədə yaşayırdılar.

Bir neçə gün əvvəl cütlük spirtli içki qəbul edərkən aralarında mübahisə yaranıb. Mübahisə zamanı kişi qadına hücum edərək onu döyüb. O, qadını tavayla döyərək qətlə yetirib.

Cinayətkar saxlanılıb və onun barəsində qəsdən adam öldürmə maddəsi ilə cinayət işi açılıb.