COVID-19-la bağlı XƏBƏRDARLIQ GƏLDİ - Payızda...

Payız fəslində koronavirusa yoluxma hallarının artdığı bir vaxtda bölgələrdəki tibb müəssisələrində koronavirus xəstələrinin müalicəsi üçün lazımi çarpayı ehtiyatı yaradılıb.

BAKU.WS xəbər verir ki, bunu Rusiyanın səhiyyə nazirinin birinci müavini Viktor Fisenko TASS agentliyinə açıqlamasında deyib.

Sentyabrın 3-dən 6-dək Vladivostokda keçirilən Şərq İqtisadi Forumu (EEF) çərçivəsində jurnalistlərə açıqlama verən nazir müavini bildirib ki, hazırda mütəxəssislər Rusiya regionlarında epidemioloji vəziyyəti diqqətlə izləyir və COVID-19-un yayılma dinamikasını qeydə alırlar.

Qeyd edək ki, koronavirus infeksiyası ilə mübarizə üzrə Federal Operativ Qərargah Rusiyada 26 avqust - 1 sentyabr tarixləri arasında Covid-ə yoluxma hallarının 20 % artdığını açıqlayıb.