Çinin ABŞ-ni narahat edən yeni döyüş təyyarəsinin GÖRÜNTÜLƏRİ

Çinin yeni nəsil J-36 adlı üç mühərrikli, quyruqsuz döyüş təyyarəsinin görüntüləri yayılıb.

BAKU.WS xəbər verir ki, altıncı nəsil hesab olunan bu reaktiv təyyarə Çin sosial mediasında və hərbi dairələrdə geniş müzakirələrə səbəb olub.

Mütəxəssislər J-36-nın ABŞ-nin F-22 və F-35 təyyarələrinə rəqib ola biləcəyini bildirirlər. Təyyarənin görüntüləri Çinin Siçuan əyalətində çəkilib. Rəsmi olaraq tanıdılmasa da, bu model Pekinin hərbi texnologiyada ciddi irəliləyiş etdiyini göstərir.

Qeyd edək ki, ABŞ da altıncı nəsil F-47 təyyarəsi üzərində iş aparır və bu istiqamətdə Boeing ilə müqavilə imzalanıb.