CENTCOM rəhbəri danışıqlar üçün Səudiyyə Ərəbistanındadır

ABŞ Silahlı Qüvvələrinin Mərkəzi Komandanlığının (CENTCOM) rəhbəri, admiral Bred Kuper Səudiyyə Ərəbistanındadır.

BAKU.WS "Report"a istinadən xəbər verir ki, bu barədə mənbə "Al Jazeera" telekanalına bildirib.

Mənbənin sözlərinə görə, Kuperin səfəri husilərin Yəməndəki son fəaliyyətləri və onların irəliləməsi fonunda koordinasiya zərurəti ilə bağlıdır.

Daha əvvəl husilər Qırmızı dəniz sahilində bir sıra strateji əhəmiyyətli obyektləri, o cümlədən Moxa liman şəhərini və Bab-əl-Məndəb boğazı rayonundakı Mayyun adasını ələ keçirmişdilər.