Bugünkü İstanbul zəlzələsini 20 gün əvvəl təxmin edən professor yeni açıqlama verib

Geologiya üzrə mütəxəssis, professor Şener Üşümezsoy aprelin 23-də İstanbulun Silivri sahillərində baş verən və ətraf rayonlarda da hiss edilən 6.2 maqnitudalı zəlzələni 20 gün əvvəl təxmin edib.

BAKU.WS "Haber Global" telekanalına istinadla xəbər verir ki, o, 20 gün əvvəl verdiyi açqlamada Kumburqaz və Silivridə 6-6.5 maqnitudalı zəlzələ ola biləcəyini söyləyib.

Bu gün İstanbuldakı yeraltı təkanlar barədə yeni açıqlama verən professor başqa bir zəlzələ riskinin olmadığını vurğulayıb:

"Bu zəlzələ sürüşmə zonalarınının olduğu bölgələrdə təsirli ola bilər, ancaq bu yeraltı təkanlardan sonra böyük zəlzələ gözlənilmir".