Bu ilki yay rekord istilər ilə tarixə düşüb

2024-cü ilin yayı tarixin ən isti yay olduğu ortaya çıxıb.

BAKU.WS xəbər verir ki, bu barədə TASS-a Rusiya Hidrometeorologiya Mərkəzinin elmi direktoru Roman Vilfand Ümumdünya Meteorologiya Təşkilatının məlumatlarına istinadən deyib.

"Avqust ayı da rekord isti olub - havanın temperaturu sənayedən əvvəlki dövrlə müqayisədə iqlim normasından 1,5 dərəcə yüksək olub", - deyə sinoptik qeyd edib.

Vilfandın sözlərinə görə, dünyada oxşar vəziyyət ardıcıl 13-cü dəfə baş verib və bütün yay ayları ərzində müşahidə olunub.

"Bütün ölkələrdə bəşəriyyət üçün problem əsrin sonuna qədər temperaturun 1,5 dərəcədən çox yüksəlməsinin qarşısını almaqdır", - deyən meteoroloq xəbərdarlıq edib ki, bu cür qlobal istiləşmə fonunda təhlükəli hava hadisələrinin sayı kəskin şəkildə artır. .