Bu gün Günəş Yerdən ən yaxın məsafədə olacaq

Yanvarın 4-də Yer Günəşə minimum məsafədə yaxınlaşacaq və ulduzun diski 2025-ci ildə ən böyük formada görünəcək.

BAKU.WS xarici KİV-ə istinadən xəbər verir ki, bu fenomen perihelion adlanır.

"4 yanvar Yer perihelionda, Günəşdən ən yaxın məsafədədir, bu, bizə Günəşin ən böyük diskini 2025-ci ildə müşahidə etməyə imkan verəcək", - məlumatda qeyd edilir.

Xatırladaq ki, 2024-cü ildə kəşf edilən C/2024 G3 (ATLAS) kometası yanvarın 13-də Günəşə yaxınlaşdıqdan sonra sağ qalarsa, hətta durbinsiz də Yer sakinlərinə görünəcək.