Braziliyada körpünün çökdüyü hadisədə ölənlərin sayı artıb

Braziliyada körpünün çökdüyü hadisədə ölənlərin sayı artıb.

BAKU.WS Agencia Brasil-ə istinadən xəbər verir ki, Braziliyanın şimalında Maranhão və Tocantins ştatlarını birləşdirən Juscelino Kubitschek de Oliveira körpüsünün çökməsi nəticəsində həyatını itirənlərin sayı 12-yə çatıb.

Hadisə zamanı itkin düşən 5 nəfərin axtarışları hələ də davam edir. Son tapılan cəsədlərin çaya düşən nəqliyyat vasitəsinin içərisindən çıxarıldığı bildirilib.

Rəsmi şəxslərin verdiyi məlumata görə, körpünün çökməsi nəticəsində 4 yük maşını, 2 minik avtomobili və 2 motosiklet çaya düşüb.

Sosial mediada yayılan görüntülərdə körpünün çökdüyü anın qeydə alındığı müşahidə edilib.