BMT: Əsəd rejimi devrildikdən sonra 1,4 milyondan çox suriyalı evinə qayıdıb

Birləşmiş Millətlər Təşkilatının Qaçqınlar üzrə Ali Komissarlığı (BMTQAK) Suriyada Bəşər Əsəd rejiminin 8 dekabr 2024-cü ildə devrilməsinin ardından 1,4 milyondan çox suriyalının evlərinə qayıtdığını açıqlayıb.

BAKU.WS xəbər verir ki, qurumun "X" sosial şəbəkəsində yayımladığı paylaşımda bildirilir:

"Əsəd rejiminin devrilməsindən sonra 1,4 milyondan çox suriyalı illərlə davam edən məcburi köçkünlükdən sonra evlərinə dönür".

Açıqlamada suriyalılar üçün yenidən ümid yarandığı, lakin həyatlarını bərpa etmələrinin asan olmadığı vurğulanıb.

BMTQAK ailələrin yenidən həyata başlamalarına dəstək göstərilməsi üçün beynəlxalq ictimaiyyətə çağırış edib. Qurum suriyalıların yaşayış, səhiyyə, təhsil və dolanışıq kimi sahələrdə köməyə ciddi ehtiyac duyduğunu bildirib.