Avropa Rusiyayla nüvə müharibəsinə hazırlaşır

Avropa ölkələri vətəndaşlarını Rusiya ilə mümkün nüvə müharibəsinə hazırlamağa başlayıblar.

Bu barədə The Economist nəşri məlumat yayıb.

İsveç əhaliyə beş milyon vərəqə paylayıb. Həmin vərəqələrdə sağ qalmağın əsas prinsipləri izah edilir. Bundan əlavə, hakimiyyət orqanları vətəndaşları ölkəyə hücum olacağı təqdirdə əvvəlcədən hərəkət planı hazırlamağa çağırır.

Nəşrin məlumatına görə, vərəqələrin paylanmasının məqsədi İsveç vətəndaşlarını qorxutmaq deyil, onları hazırlıqlı olmağa sövq etməkdir. Bildirilir ki, belə yanaşma böhran vəziyyətində dövlət strukturlarının yükünü azalda bilər.

Bundan əvvəl Polşa da əhalini müharibəyə hazırlamağa başlamışdı. Varşava milyardlarla avro dəyərində silah almağa və vətəndaşları mümkün hərbi münaqişəyə hazırlamağa başlayıb.