Avropa Parlamenti SEPAH-ın terror təşkilatı elan olunmasını tələb edir

Avropa Parlamenti İrana qarşı yeni sanksiyaların bir hissəsi olaraq İslam İnqilabı Keşikçiləri Korpusunun (SEPAH) terror təşkilatı elan edilməsini tələb edir.

BAKU.WS Oxu.Az-a istinadən xəbər verir ki, bunu Avropa Parlamentinin prezidenti Roberta Metsola Avstriyaya səfəri zamanı keçirilən mətbuat konfransında bildirib.

"İranda baş verənlərə son qoymalıyıq. SEPAH-ı terror təşkilatı elan etməklə bərabər, sərt sanksiyalar tətbiq etməliyik", - deyə o bildirib.

Metsola əlavə edib ki, ötən həftə Avropa Parlamenti öz təşəbbüsü ilə İran diplomatik korpusunun Brüssel və Strasburqdakı Avropa Parlamentinin iqamətgahlarına baş çəkməsini qadağan edib.