Avropa İttifaqı Rusiyanın Brüsseldəki səfirini danışıqlara çağırıb

Avropa İttifaqı (Aİ) Kiyevdə yerləşən nümayəndəliyin binasına zərbə endirilməsindən sonra Rusiyanın Brüsseldəki səfirini izahat üçün çağırıb.

BAKU.WS xəbər verir ki, bu barədə məlumatı Aİ-nin xarici siyasət və təhlükəsizlik məsələləri üzrə ali nümayəndəsi Kaya Kallas özünün "X" sosial şəbəkəsindəki paylaşımında bildirib.

Onun sözlərinə görə, Aİ missiyasının əməkdaşları Ukraynada fəaliyyətlərini davam etdirir və qurumun Kiyevə dəstəyi dəyişməz olaraq qalır.

"Diplomatik missiyalar heç bir halda hücum hədəfi olmamalıdır", – deyə Kallas vurğulayıb.