Antalya və İstanbulda zəlzələ olub

Bu gün səhər saatlarında Türkiyənin iki fərqli bölgəsində zəlzələ baş verib.

BAKU.WS xəbər verir ki, bu barədə Afet və Təcili Durum İdarəetmə Başqanlığının (AFAD) rəsmi saytında məlumat yayılıb.

Məlumata görə, saat 07:49-da Antalyanın Kumluca rayonu ərazisində 3,8 bal gücündə zəlzələ qeydə alınıb. Zəlzələ yerin təxminən 29 kilometr dərinliyində baş verib.

Digər bir zəlzələ isə Marmara dənizində, İstanbulun Böyükçəkmecə sahillərində baş verib. Sarsıntının gücü 3,8 bal, dərinliyi isə 6,84 kilometr olub. Zəlzələnin episentri Böyükçəkməcəyə təxminən 20 kilometr məsafədə yerləşib.

Hər iki zəlzələ nəticəsində dağıntı və ya tələfat barədə məlumat verilməyib.