Amerikada cinayətkar polis əməkdaşlarına təcavüz etmək istəyib

ABŞ-nin Florida ştatında cinsi zorakılıq ittihamı ilə saxlanılan şəxs həbsxanaya aparılarkən qadın polis əməkdaşını da cinsi zorakılığa məruz qoymağa cəhd edib.

BAKU.WS xəbər verir ki, Florida Memorial Universitetinin tələbəsinə qarşı cinsi hücum və quldurluqda şübhəli bilinən 30 yaşlı Stiven Rivers polis nəqliyyat vasitəsinə mindirilərkən qadın detektivə toxunmağa çalışıb. Hadisə təhlükəsizlik kameraları tərəfindən qeydə alınıb.

Polis hesabatında bildirilir ki, Rivers saxlanılma zamanı nəzarətdən çıxarılaraq dərhal zərərsizləşdirilib. Şübhəlinin daha əvvəl də oxşar cinayətlərə görə məsuliyyətə cəlb olunduğu açıqlanıb.

Hadisədən sonra Riversə qarşı "cinsi zorakılığa cəhd", "polis əməkdaşına hücum" və "müqavimət göstərmə" maddələri ilə əlavə ittihamlar irəli sürülüb. Məhkəmə onun üçün yüksək məbləğdə girov müəyyən edib.

Polis mümkün digər qurbanların da ola biləcəyini istisna etməyərək araşdırmanı davam etdirir.