Ağ Ev: Tehran Vaşinqtonla razılaşma əldə etməkdə maraqlıdır

Vaşinqton ABŞ və İran arasında danışıqların davam etdiyini açıqlayıb.

BAKU.WS "Report"a istinadən xəbər verir ki, Ağ Evin mətbuat katibi Kerolayn Livitt bu barədə ənənəvi mətbuat brifinqində bildirib.

"Mən bu barədə ABŞ Prezidenti Donald Trampla cəmi bir saat əvvəl danışdım. İran ABŞ ilə danışıqları davam etdirir və ABŞ Ordusu onlara qarşı dağıdıcı zərbələr endirdiyi üçün bizimlə razılaşma əldə etmək istədiyini bildirir", - o deyib.

K.Livitt Tehranın Hörmüz boğazında ticarət gəmilərinə hücum edərək anlaşma memorandumunun şərtlərini pozması səbəbindən ABŞ Ordusunun İrana zərbə endirdiyini vurğulayıb.

"Prezident (Donald Tramp - red.) həmişə diplomatiyaya açıqdır", - o, fikirlərini yekunlaşdırıb.