ABŞ və İran arasında "müharibədən sonra müharibə" təhlükəsi

Amerika Birləşmiş Ştatları ilə İran arasında əldə olunan ikihəftəlik atəşkəs ilk baxışdan Yaxın Şərqdə gərginliyi azaltmalı idi.

Amma reallıq tam fərqlidir. Çünki bu razılaşmanın mərkəzində yox, kənarında qalan bir ölkə var - Livan.

Və məhz bu məqam sülh prosesini iflic edən əsas faktora çevrilir.

BAKU.WS xəbər verir ki, bu barədə Baku TV-nin videomaterialında bildirilib.

ABŞ Prezidenti Donald Tramp açıq şəkildə bildirib ki, atəşkəs Livanı əhatə etmir. İsrail də eyni mövqedədir. Amma İran və vasitəçi kimi çıxış edən Pakistanın Baş naziri Şahbaz Şərif bunun əksini deyir. Bu ziddiyyət isə diplomatik fikir ayrılığından çox, iki paralel reallıq kimi görünür. Bir tərəf üçün müharibə dayanıb, digər tərəf üçün isə davam edir.