ABŞ-da dəhşət: metroda yatan qadın yandırılaraq ÖLDÜRÜLDÜ

ABŞ-nin Nyu-York şəhərində metro stansiyasında dəhşətli hadisə baş verib. Coney Island-Stillwell Avenue metro stansiyasında yatan qadın naməlum şəxs tərəfindən yandırılıb.

BAKU.WS cumhuriyyet.com-a istinadən xəbər verir ki, ağır xəsarət alan qadın hadisə yerində dünyasını dəyişib.

Polisin verdiyi məlumata görə, şübhəlinin kişi olduğu müəyyən edilsə də, onun şəxsiyyəti hələlik müəyyən edilməyib. Hadisədən sonra metro stansiyası təhlükəsizlik lenti ilə bağlanıb və genişmiqyaslı araşdırmalara başlanılıb.

Qeyd edək ki, bu dəhşətli hadisə şəhər sakinləri arasında böyük narahatlıq yaradıb. Nyu-York polisi hadisənin motivlərini araşdırmağa davam edir və şübhəlinin tapılması üçün axtarışları intensivləşdirib.