Çinin Uhan şəhərinin müvəqqəti xəstəxanalarından birinin baş həkimi koronavirusdan ölüb.

BAKU.WS xəbər verir ki, bu barədə “Jenmin Jibao” qəzeti məlumat yayıb.

«Uhandakı Uçan xəstəxanasının COVID19-a yoluxmuş direktoru Lyu Çjimin fevralın 17-də ölüb. O, koronavirusdan ölən ilk tibb müəssisəsi rəhbəridir”, - nəşr yazıb.

Xatırladaq ki, Çinin hakimiyyət orqanları Ümumdünya Səhiyyə Təşkilatını 2019-cu il dekabrın 31-də ölkədə yeni virusun yayılması barədə məlumatlandırıb. Mütəxəssislər bunun 2019-nCoV koronavirus olduğunu müəyyənləşdiriblər.

Çində virusa yoluxanların sayı 70,5 min nəfəri ötüb. Ölkədə 1770 nəfər virusdan vəfat edib. Daha 10,8 min nəfər müalicə edilərək sağalıb. Çindən kənarda bu virusa yoluxanların sayı 700 nəfərdən çoxdur.

BAKU.WS