VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Türkiyə Silahlı Qüvvələrinin (TSQ) Suriyanın şimalında həyata keçirdiyi “Sülh bulağı” antiterror əməliyyatı davam edir.

BAKU.WS CNN Türk-ə istinadən xəbər verir ki, gecə saatlarında keçirilən əməliyyatlarda daha 49 terrorçu zərərsizləşdirilib.

Bununla da, 3 gün ərzində məhv edilən terrorçu sayı 277-yə çatıb.

Bu əməliyyatlarda Türkiyə ordusu 1 şəhid verib. Daha 3 hərbçi isə yaralanıb.

Böyük itkilər verən PKK/YPG terrorçuları Türkiyə sərhədindəki Nusaybin, Akçakale, Ceylanpınar qəsəbələrinə raket və top zərbələri endirib. Nəticədə 7 sakin ölüb, 67-si isə yaralanıb. Onların arasında uşaqlar da var.

Qeyd edək ki, bu saata qədər ümumilikdə 11 kənd terrorçulardan azad edilib.

Fərid ƏDALƏT
BAKU.WS