48 yaşlı xadimə məşhur aparıcının evini soydu - Villasının çıxarışını və şəxsi sənədlərini oğurladı

Tanınmış aparıcı Reha Muhtarın xadiməsi onun evindən oğurluq edib. 

BAKU.WS xəbər verir ki, sahil mənzərəli villada uzun müddətdir xadimə işləyən əcnəbi D.S. adlı qadın villanın  çıxarışını, aparıcıya aid şəxsi sənədləri və bir neçə qiymətli əşyaları oğurlayaraq qaçıb. 

Bu barədə xəbər tutan Reha dərhal ədliyyəyə gedib. O yaşadığı hadisəni danışıb. Aparıcı evdən oğurlanan sənədlərə görə başının bəlaya girəcəyini deyib.

48 yaşlı qadın barəsində İstanbul Baş Prokurorluğunda istintaq başladılıb. 

Məlumat üçün bildirək ki, bundan əvvəl aparıcının keçmiş həyat yoldaşı Deniz Uğur da həmin xadimədən şikayət etmişdi.