SİZİN REKLAM BURADA!
055 213 76 73


Uels şahzadəsi Uilyam və xanımı şahzadə Keyt Middlton İngiltərə yığmasını 2024-cü il Avropa çempionatının finalına yüksəlməsi münasibətilə təbrik ediblər.

BAKU.WS xəbər verir ki, bu barədə Uels şahzadəsi və həyat yoldaşı X sosial şəbəkəsində yazıb.

"Möhtəşəm! AVRO-2024 finalçıları olan İngiltərəni təbrik edirik!”, - deyə paylaşımda ​​bildirib.

Xatırladaq ki, AVRO-2024-ün yarımfinal mərhələsinin Hollandiya - İngiltərə oyunu bir gün əvvəl, iyulun 10-da baş tutub. Görüş Dortmunddakı “Siqnal İduna Park” stadionunda baş tutub. Oyunu Feliks Zveyerin başçılıq etdiyi hakimlər briqadası idarə edib. Qarşılaşma İngiltərə yığmasının 2:1 hesablı qələbəsi ilə başa çatıb. İngiltərə və İspaniya millilərinin qarşılaşacağı final qarşılaşması isə iyulun 14-də baş tutacaq. Oyun "Olimpiastadion" stadionunda (Berlin, Almaniya) keçiriləcək. Matçın start fiti Bakı vaxtı ilə saat 23:00-da səslənəcək. 

BAKU.WS