055 213 76 73
Bu gün səhər saatlarında Ukrayna Silahlı Qüvvələrinin Belqorod vilayətinə raket hücumu zamanı bir qadın qəlpə yarası alıb.
BAKU.WS xəbər verir ki, bu barədə qubernator Vyaçeslav Qladkov teleqram kanalında məlumat yayıb.
"Ukrayna Silahlı Qüvvələrinin hava hücumunu hava hücumundan müdafiə sistemləri ilə dəf etdikdən sonra bir itki var - sağ diz oynağından qəlpə yarası alan qadın", - bölgə rəhbəri yazıb.
O, zərərçəkmişin hazırda 2 saylı şəhər xəstəxanasına aparıldığını bildirib.
Həmçinin onun sözlərinə görə, Belqorod yaxınlığındakı Myasoedovo kəndində iki fərdi evə müxtəlif ziyan dəyib: pəncərələr sınıb, qaraj dağılıb. Elektrik və qaz xətləri sıradan çıxıb.
Qladkov qeyd edib ki, dağıntıları aydınlaşdırmaq üçün ərazinin qapı-qapı araşdırması davam edir.
***09:16
Səhər saatlarında Rusiyanın Belqorod vilayəti üzərində hava hücumundan müdafiə (HHM) sistemi işə salınıb.
BAKU.WS xəbər verir ki, bu barədə vilayətin qubernatoru Vyaçeslav Qladkov özünün teleqram kanalında məlumat verib.
Onun sözlərinə görə, Rusiya hərbçiləri şəhər üzərində və onun ətraf ərazilərində on raketi vurublar.
Rayon rəhbəri qeyd edib ki, ciddi dağıntı qeydə alınmayıb, lakin Ukrayna mərmisinin parçası bir yaşayış binasına ziyan vurub - pəncərələri sındırıb.
“Təfərrüatları öyrənmək üçün ərazilərə baxış keçirmək və yerli sakinlərlə danışmaq lazımdır”, - deyə o, vurğulayıb.
Vyaçeslov baş verənlərlə bağlı ətraflı hesabat gözlədiyini bildirib.
Qeyd edək ki, yanvarın 18-də səhər saatlarında Beqolorodda raket xəbərdarlığı elan edilib. Lakin işə başlayandan 20 dəqiqə sonra siqnal ləğv edilib.
Yanvarın 17-nə keçən gecə Belqorod administrasiyası yenidən şəhərdə raket təhlükəsi elan edib. Bir müddət sonra Qladkov hava hücumundan müdafiə sistemlərinin Belqorod vilayəti üzərində işlədiyini elan edib. Yenilənmiş məlumatlara görə, ümumilikdə yeddi pilotsuz təyyarə vurulub.