2040-cı ildə qlobal aclıq olacağı proqnozlaşdırılıb

Verdiyi proqnozlarla məşhurlaşan hindistanlı gənc astroloq Abiqya Ananad bildirib ki, 2040-cı ildə dünya üzrə ərzaq qıtlığı yaranacaq və yemək əsas resursa çevriləcək.

BAKU.WS xəbər verir ki, o, Avropanın 400 illik üstünlüyünün başa çatdığını, liderliyin Hindistan və Çinə keçdiyini deyib.

Ananad qeyd edib ki, sənayeləşmə və təbii resursların həddindən artıq istismarı səbəbindən insanlıq tezliklə torpaqla yenidən əlaqə qurmağa məcbur olacaq. Ən çətin dövrün 2039–2040-cı illərdə olacağı bildirilir.

Bununla belə, o, birgə səylərlə bu böhranın aradan qalxacağını vurğulayıb. Ananadın fikrincə, Rusiya bu proseslərdən ən az təsirlənəcək ölkələrdən biri olacaq.

Bəzi din xadimləri də təbii fəlakətləri və mənəvi böhranı ilahi xəbərdarlıqlar kimi qiymətləndirirlər.