Qış fəslinin ən faydalı TƏRƏVƏZLƏRİ

Qış aylarında mövsümi və ləzzətli tərəvəzlərdən istifadə etmək istəyirsinizsə, bu məhsulları rasionunuza daxil etməyə diqqət yetirin.

BAKU.WS ferra.ru-ya istinadən həmin tərəvəzləri sizə təqdim edir.

• Kələm. Soyuq günlərdə dadı daha da yaxşılaşır. Bir qab kələm bədənimizi 4,72 q lif (gündəlik normanın 16,86%-i) təmin edir. Eyni zamanda, bu kələm A və C vitaminləri, maqnezium, kalium, antioksidant-karotinoidlər baxımından zəngindir.
• İspanaq. C və E vitaminləri ilə zəngindir, bu vitaminlər güclü antioksidant təsir göstərir. Bir qab bişmiş ispanaq gündəlik C vitamini normasının 19,5%-ni, E vitamini normasının isə 26%-ni təmin edir. Bundan əlavə, fol turşusu, dəmir, kalsium və polifenollarla zəngindir.
• Brüssel kələmi. Bir qab bişmiş Brüssel kələmi bədənimizi 6 q lif (gündəlik normanın 21,43%-i) təmin edir. Bundan əlavə, bir porsiyadan gündəlik K vitamini ehtiyacının 180%-dən çoxunu əldə edə bilərsiniz.
• Kartof. Qış boyu sevilərək yeyilən tərəvəzlərdən biridir. Lif, C vitamini, B qrupu vitaminləri və kalium mənbəyidir. Orta ölçülü bir qırmızı kartof (170 q) gündəlik kalium ehtiyacının 20%-ni təmin edir.
• Kök. Xüsusilə A vitamini ilə zəngindir. Bir fincan çiy kök gündəlik A vitamini ehtiyacının 119%-ni qarşılayır.
• Kəvər. K vitamini və manqan baxımından zəngindir. Flavonoidlərlə də boldur. Araşdırmalar göstərir ki, flavonoidlərdən zəngin qidalanan insanlar ürək xəstəliklərinə və infarkt riskinə daha az məruz qalırlar.
• Çuğundur. Araşdırmalar göstərir ki, çuğundurdakı betalainlər və nitratlar ürək xəstəlikləri riskini azaldır, qan dövranını yaxşılaşdırır, qan təzyiqini azaldır və damarların fəaliyyətini gücləndirir.
• Gül kələm. Fol turşusu, C və K vitamini ilə zəngindir. Bir fincan bişmiş gül kələmi cəmi 5,1 q karbohidrat və 28,6 kkal ehtiva edir.

Bu tərəvəzləri qış rasionunuza əlavə edərək həm sağlamlığınızı qoruyun, həm də qidalanmağınıza rəng qatın.