Bu preparat "pis" xolesterini 60 faiz azaldır

Alimlər "pis" xolesterin (LDL) səviyyəsini əhəmiyyətli dərəcədə azaldan enlitsitid adlı yeni eksperimental preparat hazırladıqlarını açıqlayıblar.

BAKU.WS xəbər verir ki, tədqiqat New England Journal of Medicine (NEJM) jurnalında dərc olunub.

Preparat statin qəbul edən, lakin xolesterin səviyyəsi hələ də yüksək olan pasiyentlərdə təsirli olub.

Araşdırmada iştirak edən 2900-dən çox pasiyentdə altı ay ərzində LDL səviyyəsi 50–60 faiz azalıb. Enlitsitid inyeksiya deyil, tablet formasında qəbul olunur.

Müşahidələr zamanı təhlükəsizlik baxımından ciddi fərq aşkarlanmayıb. Preparat acqarına qəbul edilməlidir.

Dərmanın FDA tərəfindən təsdiqlənməsi üçün sənədlər hazırlanır.