Bakı Şəhəri üzrə Təhsil İdarəsinin müdir müavini İŞDƏN ÇIXARILDI

Bakı Şəhəri üzrə Təhsil İdarəsinin müdir müavini Anar Məmmədov vəzifəsindən azad olunub.

BAKU.WS "Unikal"a istinadən xəbər verir ki, Anar Məmmədov ötən həftə işdən çıxarılıb.

Anar Məmmədovla bağlanmış əmək müqaviləsinin müddəti bitdiyinə görə xitam verilib.

Qeyri-rəsmi məlumatlara görə isə, Anar Məmmədov bağçalara, məktəblərə direktor, direktor müavini təyin edilməsinin müsahibə mərhələsində yol verdiyi nöqsanlara görə işdən azad olunub.

Qeyd edək ki, Anar Məmmədov Bakı Şəhəri üzrə Təhsil İdarəsində (BŞTİ) müdir müavini vəzifəsinə 2022-ci ildə təyin olunub.