Politoloq: Ermənistandakı etirazlarda keçmiş hakimiyyətlə əlaqəli bir qrup şəxs iştirak edir - VİDEO

Ermənistanda arxiyepiskop Baqrat Qalstanyanın təşkil etdiyi etiraz aksiyalarında ölkənin keçmiş hakimiyyət orqanları ilə əlaqəsi olan bir qrup şəxs də iştirak edir.

Bu barədə "Respublika naminə" partiyasının üzvü, Ermənistan Demokratiya və Təhlükəsizlik Mərkəzinin direktoru, politoloq Arnold Bleyan "Baku TV"yə müsahibəsində deyib.

"Keçmiş hakimiyyətə bağlı olan qüvvələr müəyyən siyasi fayda əldə etmək istəyirlər”, - Bleyan bildirib.

Onun sözlərinə görə, eyni qüvvələr 2021-ci ildə Ermənistanda analoji aksiyalar təşkil etməyə cəhd ediblər.

Siyasətçi hesab edir ki, Azərbaycanla Ermənistan arasında münaqişənin həllindən faydalananlar müstəsna olaraq iki ölkənin xalqlarıdır:

“Arxiyepiskop Baqratın, daha doğrusu, siyasi xadim Vazgen Qalstanyanın azsaylı mitinqləri onu deməyə əsas verir ki, Ermənistan vətəndaşları ölkənin müstəqilliyinə və suverenliyinə xələl gətirəcək fiqurları rədd edir və edəcəklər”.