"Trabzonspor" klubunun səhmləri Səudiyyəyə satıla bilər

Türkiyənin "Trabzonspor" klubunun səhmləri Səudiyyə Ərəbistanı mənşəli bir fonda satıla bilər.

BAKU.WS Türkiyə mətbuatına istinadən xəbər verir ki, eyni zamanda "Bordo-mavilər" "Qatar Airways" şirkəti ilə sponsorluq üçün danışıqlar aparır.

"Trabzonspor"un prezidenti Ərtoğrul Doğanın son günlər etdiyi "xarici investor" açıqlamasının təfərrüatları ortaya çıxıb.

Məlumata görə, "Bordo-mavili" komandanın formasının arxası üçün sponsoru "Qatar Airways" olacaq və şirkət 4 il üçün 16 milyon avro ödəyəcək.

O da qeyd edilib ki, Səudiyyə Ərəbistanından olan bir fond klubun səhmlərini almaq istəyir. Səhm satış məzənnəsi ilə bağlı danışıqlar aparılıb.