Tofiq Musayev: "Kiminləsə döyüşdən imtinanı özümə yaraşdırmıram"

"Orolbay ilə döyüşmək istəməməyimlə bağlı deyilənlər yalandır. Mənim karyeramda elə bir şey olmayıb ki, kiminləsə döyüşdən imtina edim".

BAKU.WS xəbər verir ki, bunu Azərbaycanın MMA döyüşçüsü Tofiq Musayev Bakıda keçirilən mətbuat konfransında jurnalistlərin suallarını cavablandırarkən deyib.

Azərbaycanlı idmançı qeyd edib ki, o, kiminləsə döyüşdən imtinanı özünə yaraşdırmır.

Qeyd edək ki, Tofiq Musayev iyunun 21-də "UFC Baku Fight Night"da debüt edəcək.

35 yaşlı idmançımız "Bakı Kristal Zalı"nda keçirilən UFC gecəsində qırğızıstanlı Mıktıbek Orolbay ilə qarşılaşacaq.