Şarl Lekler Böyük Britaniya Qran-prisinin qalibi oldu

"Ferrari" komandasının pilotu Şarl Lekler "Formula-1" üzrə 2026-cı il mövsümünün doqquzuncu mərhələsi olan Böyük Britaniya Qran-prisinin qalibi olub.

BAKU.WS xəbər verir ki, "Silverstoun" avtodromunda keçirilən yarışda monakolu pilot finiş xəttini hamıdan əvvəl keçərək qələbə qazanıb.

Yarışın ikinci pilləsində "Mercedes"in britaniyalı pilotu Corc Rassell qərarlaşıb. İlk üçlüyü isə digər britaniyalı sürücü, "Ferrari"nin təmsilçisi Lyuis Hemilton tamamlayıb.

Qeyd edək ki, "Formula-1" üzrə dünya çempionatının növbəti - onuncu mərhələsi Belçika Qran-prisi olacaq. Yarış həftəsonu iyulun 17-19-da keçiriləcək.