Ronaldunun növbəti uğuru ilə Messini geridə qoydu

Kriştianu Ronaldunun növbəti uğuru Messini geridə qoyub.

BAKU.WS xarici mediaya istinadən xəbər verir ki, portuqaliyalı futbolçu Asiya Çempionlar Liqasında Qətərin "Əl-Qarafa" klubuna qarşı keçirilən matçında (3:1) dubl edərək uğurunu təkrarlayıb.

Matç bazar ertəsi baş tutub və 39 yaşlı oyunçunun ikinci qolu cari təqvim ilində onun 40-cı qolu olub.

Hücumçu karyerasında bu göstəriciyə 13-cü dəfə nail olub. Bununla da Kriştianu Ronaldu Lionel Messini geridə qoyub - argentinalı bu rekorda 12 dəfə nail olub.

Qeyd edək ki, Kriştianu Ronaldu 2023-cü ilin yanvarından "Əl-Nəsr"də çıxış edir. Futbolçunun Səudiyyə Ərəbistanı klubundakı mövcud müqaviləsi cari mövsümün sonuna qədər nəzərdə tutulub.