İrəvanda Avropa çempionu olan türkiyəli ağırlıqqaldıranlar Azərbaycana gəliblər - VİDEO

Ermənistanın paytaxtı İrəvanda keçirilmiş ağır atletika üzrə Avropa çempionatında qızıl medal qazanmış türkiyəli idmançılar - Nuray Güngör, Cansu Bektaş, Yusuf Fehmi Genc və gümüş mükafatçı Qamze Altun Bakıya gəliblər.

İdmançılarla birlikdə Türkiyə Ağırlıqqaldırma Federasiyasının prezidenti Talat Ünlü də ölkəmizə səfər edib.

Qeyd edək ki, qardaş ölkə təmsilçiləri Bakıya Prezident İlham Əliyevin dəvəti ilə gəliblər. İdmançılar İrəvandakı yarışda qazandıqları medalları Azərbaycana həsr ediblər.