"Real"a gedəcəyi deyilən Mbappe: "Çox həyəcanlıyam"

Bu mövsümün sonunda Paris klubundan ayrılacağını açıqlayan PSJ-nin hücumçusu Kilian Mbappe gələcəyi ilə bağlı fikirlərini bölüşüb.

BAKU.WS xəbər verir ki, bu barədə "Get French Football News" nəşri yazır.

"Fransadan ayrılsam, çox şey itirəcəyəm, amma çox şey qazanacağam. Mən bunu səbirsizliklə gözləyirəm və çox həyəcanlıyam. Bundan sonra baş verəcəklər sehrli olacaq", - Mbappe deyib.

Xatırladaq ki, Mbappenin "Real Madrid"lə 2029-cu ilə qədər müqavilə imzaladığı barədə məlumatlar yayılıb.

Qeyd olunub ki, hücumçu qış aylarında komanda yoldaşlarına və PSJ-nin texniki heyətinə mövsümün sonunda klubdan gedəcəyini bildirib.

"Kral klubu"nun prezidenti Florentino Peres Karlo Ançelottinin texniki komandasına Mbappenin "Real Madrid"in yeni oyunçusu olacağını bildirib.